បទបថ្យាវត្ត
១. ស្នេហាប្រុសស្រីចំណីទុក្ខសោក ប្រុសស្នេហ៍ស្រីបោកគេថាប្រុសព្រាន
ពេលប្រុសរងទុក្ខសមមុខមេរៀន ឯស្រីចិត្តហ៊ានគេថាខុសធ្ងន់។
២. ស្រីស្រស់ស្រើបស្រាលត្រអាលកាមគុណ វាចាទន់ភ្លន់ជាមន្តពិសពុល
ពង្វក់គ្រប់ប្រុសខូចខុសយ៉ាប់យល់ ស្រីជាដើមគល់ចំណោទបញ្ហា។
៣. បើប្រុសវង្វេងឆ្កួតល្បែងស្នេហា ពិតសោយសោកាចិន្តាខ្លោចពិត
ដុះតែកាមគុណរែកពន់ជាប់ស្អិត ដើរគិតដេកគិតខ្វះក្តីសុខសាន្ត។
៤. នេះគឺការពិតប្រឌិតមិនបាន ប្រុសស្រីសព្វឋានតែងជួបគ្រប់គ្នា
ស្នេហានេះសោតបញ្ឆោតគ្រប់គ្រា បើប្រឹងឆីវាវេទនាពេលក្រោយ។
លីម ចំរើន
៣០.០៣.២០១២
No comments:
Post a Comment