(បទក្របចក្រវាឡមេ១២ថ្មី)
១. ស្រមោចភ្លើង ជើងទោះខ្លី ល្បីខ្លាំងខាំ
ចាំប្រហារ
រាល់ហេតុការណ៍ ណាបំពាន ហ៊ានរំខាន
ប្រាណយាយី
សត្វមិនខ្លាច កាចឥតងោះ មោះមុតចិត្ត គិតនាទី
ប្រឹងវក់វី គ្នីគ្នាផ្តុំ ធំតូចរុំ
ជុំប្រល័យ។
២. ស្រមោចភ្លើង
ជើងទោះខ្លី ល្បីគួរស្ញើប ស្រើបខាំឈឺ
អ្វីហ៊ានឌឺ គឺឈឺចាប់ យ៉ាប់មិនខាន
ប្រាណស្រមៃ
ទោះសត្វល្អិត ពិតពូកែ ខ្មែរស្គាល់ច្បាស់
ណាស់រាល់ថ្ងៃ
សាមគ្គីក្រៃ ក្ស័យមិនខ្លាច អាចលះបង់
ត្រង់ប្រយោជន៍។
៣. ស្រមោចភ្លើង
ជើងទោះខ្លី ល្បីស្មោះស្មគ្រ័ ហាក់ចិត្តមួយ
តែងលើកស្ទួយ ជួយគ្នីគ្នា ជាទង្វើ
ធ្វើគួរស្ងោច
ខុសសត្វរៃ ល្បីប៉ិនច្រៀង ល្អៀងគំនិត
គិតអសោច
ខាតប្រយោជន៍ ខ្លោចដួងចិត្ត ពិតវេទនា
គ្រាយ៉ាប់ក្រោយ។
៤. ស្រមោចភ្លើង
ជើងទោះខ្លី ល្បីសាមគ្គា ជាទំលាប់
បីដូចទ័ព្ធ ងាប់មិនព្រឺ ឌឺវាខាំ
ផ្តាំឲ្យហើយ
ទោះបីមនុស្ស នោះធំក្រៃ ដៃជើងមាន ហ៊ានក៏ដោយ
វានិងឲ្យ សោយឈឺចាប់ យ៉ាប់ដូចគ្នា
ជាមេរៀន។
លីម ចំរើន
០៧.០៦.២០១២
No comments:
Post a Comment