ពិភពកំណាព្យខ្មែរ កវី ខេត្តស្ទឹងត្រែង: វីរៈយុទ្ធជន

(បទកាកគតិ)

១. វីរៈយុទ្ធជន សិរីពេកពន់ កងទ័ព្ធជាញជ័យ

អង់អាចក្លាហាន សព្វឋានបូរី ការពារទឹកដី

ព្រំដែនសីមា។

២. ឥតមានតក់ស្លុត ជីវិតស្លាប់ផុត ចាកចោលលោកា

ស្មោះស្ម័គ្រភក្តី ថែដីដូនតា ព្រៃព្រឹក្សប្រាង្គប្រា

សាទមិនឲបាត់។

៣. ឥតខ្លាចចោរសៀម ពិតមិននៅស្ងៀម ត្រូវតែកំចាត់

ព្រហើនពាធា ការពារមធ្យ័ត តែងប្រុងប្រយ័ត្ន

ឥតបីប្រហែស។

៤. ទោះបីខ្វះខាត ទឹកចិត្តសង្វាត មិនរត់គេចវេស

នាមជាកងទ័ព្ធ កាងជាប់ចាំកេស បាញ់ដោយចំណេះ

សម្លាប់សត្រូវ។

៥. ឲតែឈ្លានពាន មិនស្តាប់ព្រមាន ឫកផ្គើនពេកកូវ

ពិតមិនព្រមទុក នៅមុខរាំងផ្លូវ បាញ់ស្លាប់ចោរទៅ

ឲស្គាល់ខ្មែរម្តង។

នៅៈថ្ងៃសៅរ៍ ទី១៦ ខែកក្កដា ឆ្នាំ២០១១ (ម៉ោងៈ ១២ៈ២៦នាទីថ្ងៃត្រង់)

ពិភពកំណាព្យខ្មែរ កវី ខេត្តស្ទឹងត្រែង