(បទបន្ទោលកាក) របៀបទី២
១. អណ្តើកឯកា ព្រាត់មេព្រាត់បាមើលថែ
នាមអណ្តើកស្រែ មនុស្សប៉ងស្នេហ៍ចាប់ឆី។
២. រស់នៅកំព្រា រកស៊ីគ្រប់គ្រាភិតភ័យ
មិនទាន់ពេញវ័យ មិនដឹងជួបអ្វីថ្ងៃមុខ។
៣.ជួបគ្រោះឬសុខ...? រស់នៅស្រណុកឬទុក្ខ
ឬគេចាប់ទុក ចិញ្ចឹមថ្ងៃមុខកាប់ស៊ី។
៤. អណ្តើកសូមផ្សង សូមផុតសៅហ្មងគ្រប់ទី
វៀរបាបញាំញី រស់លើធរណីសុខសាន្ត។
៥. អាចជួបបងប្អូន មានគូរួមក្បូនពីរប្រាណ
កូនចៅក្សេមក្សាន្ត ផលបុណ្យផ្តល់បានមង្គល។
លីម ចំរើន ១៣.១១.២០១២
No comments:
Post a Comment