សុខក្លែងក្លាយ

(បទក្របចក្រវាឡ មេពាក្យ៩)

១.        សុខក្លែងក្លាយ កាយវិលវល់ ពុលវង្វេង              ឆ្កួតវក់លេង ឃ្លេងឃ្លោងចិត្ត ពិតគ្រប់វ័យ
           ទាំងស្រីប្រុស ខុសភ្លេចគិត ស្និទ្ធសោយឆី          ក្រោយផ្តល់ភ័យ ក្តីអាប់យស គ្រោះអាត្មា។
២.        សុខក្លែងក្លាយ ស្រាយមិនប្រឹង រឹងចចេស          ឲ្យកិលេស ឆៅសន្ធៅ នៅចិន្តា
           ចាំផ្តល់ទុក្ខ មុខរងគ្រោះ ព្រោះស្នេហា               គ្រប់ជនណា ប្រាថ្នាស្លុង ក្នុងកាមគុណ។

 លីម ចំរើន ២២.០២.២០១៣