(បទបថ្យាវត្ត)
១. ព្រលឹមស្រាងៗខ្ញុំស្វាងពីគេង ចិត្តហាក់ឃ្លោងឃ្លេងអារម្មណ៍មិនថ្លា
តើខ្ញុំគិតអ្វីសូមជួយស្តីថា? គ្មានអ្វីទេណាក្រៅកូន,ប្រពន្ធ។
២. ព្រោះត្រួវឃ្លាតកាយហាក់ឆ្ងាយពេកពន់ ដូចបៀបទុក្ខធ្ងន់ព្រួយលាក់ក្នុងចិត្ត
ធ្វើការដីថ្មីសៀមប៉ាងមិនជិត អារម្មណ៍អាណិតខ្វាយខ្វល់គ្រួសារ។
៣. មិនដឹងឥលូវកូនខ្ញុំយ៉ាងណា? ស្រែកយំរកប៉ាយ៉ាងណាទៅណ៎!
នឹកគិតម្តងៗចិត្តខ្ញុំកករ ដូចលេបគ្រួសថ្មស្លាក់ជាប់កន្លើត។
៤. ទោះចង់តវ៉ាមាត់ហាមិនកើត ការងារល្អឆើតល្អសំបកក្រៅ
សូមកូនកុំយំប្រពន្ធកុំក្តៅ ក្តីសោកហ្មងសៅគង់រសាត់ឆ្ងាយ។
៥. បងនិងវិលវិញទុក្ខម្នេញពិតស្រាយ សប្បាយជុំកាយក្នុងក្រុមគ្រួសារ
សោយសុខមង្គលអារម្មណ៍ស្រស់ថ្លា ក្រោយបំពេញការងារចប់សព្វគ្រប់។
លីម ចំរើន
២៧.០៣.២០១៣
No comments:
Post a Comment