(បទកាកគតិ)
១. ទោសៈលោភៈ កូនអើយដូចយក្ស ឬចោរលួចសុខ
បើកូនមានច្រើន ពិតកើតចាប់ចុក កាយចិត្តស្រណុក
ហាក់រត់គេចឆ្ងាយ។
២. បើគ្មានទោសៈ លោភៈកាប់ចាក់ ប្លន់ក្តីសប្បាយ
កូនពិតគ្មានភ័យ សុខីចិត្ត.កាយ ញាតិផងទាំងឡាយ
ចោមរោមស្រលាញ់។
៣. កូនអើយលោភៈ ទោសៈនេះជាក់ គួរស្អប់ខ្ពើមក្នាញ់
កុំបីយកទុក ផ្កាប់មុខស្រលាញ់ មិនមែនសម្លាញ់
វាគឺសត្រូវ។
៤. បើចង់សុខសាន្ត កូនៗគ្រប់ប្រាណ ត្រូវយកកាព្យឪ
ទន្ទេញឲ្យចាំ ចំណាំពាក្យត្រូវ ប្រតិ្តបត្តិជាប់ទៅ
ពិតផ្តល់មង្គល។
លីម ចំរើន ២១.០៩.២០១២
(ម៉ោង ០២ៈ៥០នាទីព្រឹក)
No comments:
Post a Comment