(បទព្រហ្មគីតិ)
១. ប្រពន្ធពាងប្តីប៉ោត ឆ្លាត.ល្ងង់ឆោតច្រើនគូគ្នា
ពាងល្អទឹកគង់ហៀរ ប៉ោតល្អជាធៀបមនុស្ស។
២. ប៉ោតធ្លុះប្រពៃជាង បើបានពាងមិនធា្លយធ្លុះ
ទឹកគង់មិនរលុះ ព្រោះពាងនោះគ្រប់គ្រងទឹក។
៣. តែបើពាងធ្លុះវិញ ពិតទុក្ខម្នេញខ្វល់ល្ងាចព្រឹក
ប៉ោតល្អខំដងទឹក ច្រើនសន្ធឹងទឹកមិនគង់។
៤. ដូចគ្នាប្រពន្ធប្តី មានសិរីរស់យូរលង់
ទោះប្តីឆោតល្ងិតល្ងង់ ទ្រព្យច្រើនគង់ព្រោះប្រពន្ធ។
៥. ដូចសុភាសិតខ្មែរ ចារហូរហែច្រើនពេកពន់
ប្តីថ្កើងព្រោះប្រពន្ធ ឯទុក្ខធ្ងន់ក៏ព្រោះស្រី។
លីម ចំរើន ១៩.០៩.២០១២ (ម៉ោង ៥ៈ២០នាទីព្រឹក)
No comments:
Post a Comment