(បទព្រហ្មគតិ)
១. ធម៌នាំកើតក្តីទុក្ខ ចូលចាំទុកគឺទោសា
និន្ទា.លោភៈណា គឺបញ្ហាពិតជាក់ស្តែង។
២. ទោសាគឺចិត្តខឹង ល្ងង់ល្ងិតរឹងចិត្តឥតក្រែង
ចិត្តក្តៅហាក់ចេញផ្សែង ព្រោះហេតុខ្វែងគំនិតគ្នា។
៣. អារម្មណ៍ចិត្តមិនស្ងប់ ដូចឆ្កួតឡប់ផ្តើមនិន្ទា
ផ្ចាញ់ផ្ចាលយកឈ្នះគ្នា គ្រប់វេលាមិនមានសុខ។
៤. លោភៈក៏អំណាច ដូចមារកាចចាំសម្រុក
សត្រូវចិត្តអុកឡុក មិនស្រណុកខ្វល់ចិត្ត.កាយ។
៥. បើកាន់ធម៌មួយណា ពិតខ្លោចផ្សាគិតខ្វល់ខ្វាយ
ឃ្លាតសិរីទាំងឡាយ គ្រោះអន្តរាយច្រើនអាស្រូវ។
៦. គប្បីជនប្រុសស្រី ក្មេងចាស់ក្តីលះបង់ទៅ
ទើបចិត្តសុខឋិតនៅ ឈ្នះសត្រូវនៅក្នុងចិត្ត។
លីម ចំរើន ០៨.១០.១២
No comments:
Post a Comment